Pas reagimit të kryeministrit Edi Rama në lidhje me situatën e rënduar të krijuar në Kakavijë dhe Kapshticë ka reaguar ministri i Brendshëm Sandër Lleshaj.
Lleshaj përmes një postimi në Facebook shkuan se policia do të vendosë postoblloqe në rrugë për të shmangur fluksin e krijuar në pikat kufitare, dukei informuar qytetarët që ta shtyjnë udhëtimin e tyre drejt vendit fqinj Greqisë.
“Me gjithë masat e marra për normalizimin e gjendjes në pikat e kalimit kufitar me Greqinë, gjendja mbetet ende problematike.
LEXO EDHE: Mijëra emigrantë në pritje për të hyrë në Greqi, qytetarët: Nuk kemi asnjë informacion
Me qëllim shmangien e grumbullimeve dhe të pritjes në radhë të gjatë të qytetarëve dhe sidomos të fëmijëve, Policia e Shtetit do të vendosë pika kontrolli në akset rrugore që çojnë drejt pikave të kalimit kufitar për të këshilluar dhe kërkuar nga qytetarët që të shtyjnë planet e udhëtimit drejt Greqisë për një moment më të përshtashëm, ose të paktën të ndalojnë dhe të presin në kushte më të përshtatshme në qytetet ose fshatrat përgjatë rrugës, deri në krijimin e mundësive reale për kalimin e kufirit, pa orë të stërgjatura pritjeje.
Ftojmë qytetarët për mirëkuptim dhe bashkëpunim me forcat e Policisë dhe strukturat e tjera të angazhuara në menaxhimin e kësaj situate të pazakontë, të padëshiruar, por edhe të pashmangshme”, shkruan Lleshaj./abcnews.al
