Liverpooli nuk ishte aktiv gjatë merkatos së verës, me vetëm një blerje, Ibrahima Konate.
Nga klubi janë larguar disa lojtarë si, Shaqiri e Wijanldum me këtë të fundit që ka lënë një boshllëk të madh në skuadër.
Sipas informacioneve të TodoFichajes, “The Reds” po përgatisin një ofertë prej 35 milion eurove për të nënshkruar me yllin e Real Madridit, Marco Asensio gjatë afatit kalimtar të dimrit.
Spanjolli ende nuk ka një pozicion fiks te skuadra madrilene e cila drejtohet nga Ancelotti dhe ai është duke shikuar për një rrugëdalje.
Fillimisht dukej Arsenali si vendi ideal për anësorin, por tani Liverpool është në epërsi.
Real Madridi, nga ana e tij, e di për interesimin e klubit anglez dhe madje kanë bërë disa biseda, kështu që nuk përjashtohet që Asensio të jetë një nga lëvizjet e para të janarit. /abcnews.al/
