Tottenham dhe Liverpool janë gati për duelin mes tyre. Nesër në mbrëmje zhvillohet një nga sfidat më të forta të kampionatit anglez në Londër.
Trajneri i Spurs, Jose Mourinho flet rreth skuadrës kundërshtare dhe merkatos në konferencën e zakonshme për shtypin, ku ndër të tjera tha:
“Kur ia del të fitosh, je automatikisht skuadra më e mirë. Liverpool jo vetëm që fitoi titullin sezonin e kaluar, por ia doli të triumfonte me lehtësi. Ata e dinë se janë të fortë dhe mendoj se mund ta fitojnë përsëri titullin këtë sezon.
Mund të rikuperojnë distancën me kreun dhe mund të fitojnë, besoj se nuk janë dorëzuar akoma. Merkato? Nuk besoj se do të bëjmë ndonjë goditje.
Mund të ndodhë gjithçka, por sinqerisht që nuk besoj se do të bëjmë diçka. Do të ishte një surprizë e madhe për mua nëse vjen ndonjë lojtar“, theksoi trajneri portugez i Tottenham. /abcnews.al
