Kombëtarja U17 e Shqipërisë është gati për turneun që do të zhvillohet në Portugali. Elvin Beqiri ka bërë publike listën e lojtarëve të grumbulluar dhe zbulon objektivat e skuadrës për turneun që do të zhvillohet në datat 13-19 nëntor.
Kuqezinjtë e vegjël do të luajnë kundër Portugalisë, Ukrainës dhe Gjeorgjisë, teksa trajneri shkodran shpreson që të përgatisë sa më shumë lojtarë në të ardhmen për ekipin U19, U21 dhe kombëtaren e madhe të Edi Rejës.
“Në radhë të parë, përshëndetje të gjithëve, ne në fakt kemi 1 vit që po punojmë me këtë brez lojtarësh dhe jemi munduar të gjejmë lojtarët më cilësor. Në mënyrë që të përfaqësohemi sa më mirë në turneun zyrtar të UEFA-s, që do të zhvillohet në Portugali në datat 13-19 nëntor. Sa i përket gjendjes së lojtarëve dhe paraqitjes së tyre, gjej rastin të falënderoj federatën dhe sektorin e ekipeve kombëtare për kushtet dhe mundësitë, në grumbullimet që kemi zhvilluar.
Kryesorja në këtë turne për ne si U-17, është paraqitja sa më dinjitoze dhe sigurisht kjo lidhet edhe me rezultatin në fushën e blertë. Ne jemi kërkues pasi i njohim vlerat dhe cilësitë e skuadrës, i kemi situr mirë të gjitha prurjet derisa kemi ardhur në këtë skuadër. Objektivi ynë është që futbollistët ti dërgojmë hap pas hapi nga kombëtarja aktuale tek U-19, e deri tek kombëtarja A“, përfundon Elvin Beqiri. /abcnews.al
Lista e lojtarëve të grumbulluar
