Është liruar nga burgu polici i dytë i akuzuar për vrasjen e afro-amerikanit George Floyd muajin e kaluar. Për lirimin e tij janë ofruar 750 mijë dollarë.
Polici J. Alexander Kueng u lirua në orët e vona të së premtes falë garancisë financiare dhe kushteve të tjera, shkruan “CNN”.
Kueng ishte një nga katër policët e përfshirë në arrestimin e amerikanit George Floyd më 25 maj. Procesi i arrestimit përfundoi me vdekjen e Floyd, që ka nxitur protesta në mbarë botën kundër padrejtësisë racore dhe sjelljeve ë dhunshme të policisë.
Një polic tjetër, i quajtur Thomas Lane, u lirua me kusht nga burgu duke paguar të njejtë shumë.
Polici Derek Chauvin është akuzuar për vrasje të shkallës së dytë dhe shuma që do të duhet të paguajë është 1 milion e 250 mijë dollarë.
Nëse ai bie dakort me disa kushte, vlera e lirimit me kusht mund t’i ulët në një milion dollarë. Në mesin e kushteve është shmangia e kontakteve me familjen e të ndjerit, të mos largohet nga Minesota dhe të dorëzojë të gjitha armët dhe lejet.
Chauvin dhe Thao ndodhen ende në paraburgim./abcnews.al
