LinkedIn, një nga rrjetet e pakta perëndimore të mediave sociale në dispozicion në Kinë, ka pezulluar regjistrimet e reja në vend, por tha se vendimi nuk ka asnjë lidhje me një sulm kibernetik të kohëve të fundit ndaj kompanisë mëmë Microsoft.
Microsoft (MSFT) zbuloi javën e kaluar se një grup i quajtur Hafnium shfrytëzoi shërbimin e tij të postës elektronike dhe ishte në gjendje të fitonte akses në kompjuterë. Kompania tha se grupi ishte “vlerësuar të jetë i sponsorizuar nga shteti dhe që vepron jashtë Kinës”.
Një zëdhënës i LinkedIn tha se, vendimi i tij nuk kishte lidhje me hakerimin. Platforma e mediave sociale, e cila përdoret nga profesionistë, po pezullon regjistrimet e anëtarëve të rinj në Kinë, pasi po punon për të siguruar qëndrimin në përputhje me ligjin vendas.
“Ne jemi një platformë globale me një detyrim për të respektuar ligjet që zbatohen për ne, duke përfshirë respektimin e rregullave të qeverisë kineze për versionin tonë të lokalizuar të LinkedIn në Kinë”, tha LinkedIn, në deklaratë.
Kompania nuk ka treguar se cilin ligj vendor po shqyrtonte./e.b-abcnews.al
