Linja ajrore japoneze “Japan Airlines” (JAL) u detyrua të merrte me qira një aeroplan shtesë për mundësin sumo, sepse ekzistonte frika se mund të tejkalohej pesha që mund të mbante avioni i pasagjerëve.
Mundësit e sumos ishin planifikuar të fluturonin me një Boeing 737-800 nga Aeroporti Haneda i Tokios dhe Aeroporti Itami i Osakës për në Amami Oshima, një ishull në jug të largët të vendit, ku ishte planifikuar një festival sportiv.
Megjithatë, stafi e kuptoi se në listën e pasagjerëve kishte edhe mundës sumo, pesha mesatare e të cilëve është 120 kilogramë, që është shumë më tepër se mesatarja 70 kilogramë për pasagjer, sipas “The Guardian”.
Pista e Aeroportit Amami do të kishte probleme me akomodimin e aeroplanit më të madh, tha gazeta japoneze, duke e detyruar JAL të kërkonte shërbim shtesë për 27 mundësit, përfshirë 14 që duhej të fluturonin nga Itami në Haneda për të hipur në fluturimin special.
“Është shumë e pazakontë që ne të punojmë në fluturime speciale për shkak të kufizimeve të peshës në një avion si ky”, tha një zëdhënës i JAL për gazetën rajonale “Minapi-Nippon Shimbun”./abcnews.al
