Për shkak të një gabimi në sistemin e rezervimit të linjës ajrore, një grua 101-vjeçare amerikane u ngatërrua vazhdimisht me një fëmijë.
Problemi për zonjën Patricia, e cila është 101 vjeç, lindi sepse sistemet e American Airlines me sa duket nuk mund të llogarisnin se ajo ka lindur në 1922, por në 2022.
“Ishte qesharake që ata mendonin se isha vetëm një fëmijë i vogël dhe jo një grua e moshuar”, tha ajo.
Por 101-vjeçarja thotë se do të donte ta rregullonte këtë defekt të sistemit pasi i ka shkaktuar disa probleme në të kaluarën. Për shembull, në një rast, stafi i aeroportit nuk kishte transport të gatshëm për të brenda terminalit, sepse ata prisnin një fëmijë që mund ta mbanin në krahë.
Gabimi i dëshmuar nga një reporter i BBC ndodhi kur Patricia po fluturonte midis Çikagos dhe Marquette, Michigan. Zonja po fluturonte me vajzën e saj Chris.
“Vajza ime rezervoi një biletë në internet dhe kompjuteri në aeroport mendoi se data e lindjes sime ishte 2022, jo 1922. E njëjta gjë ndodhi vitin e kaluar dhe ata gjithashtu prisnin një fëmijë, jo mua“, tha Patricia.
Vendi i Patricias është i rezervuar si një biletë për të rritur. Por sistemi kompjuterik i aeroportit duket se nuk është në gjendje të përpunojë një datë lindjeje kaq të largët në kohë, kështu që përkundrazi e vendosi datën 100 vjet më vonë./abcnews.al
