Ministri federal për Çështje Evropiane dhe Ndërkombëtare të Republikës së Austrisë, Michael Linhart këtë të enjte nga Shkupi deklaroi se Vjena zyrtare kërkon që Maqedonia e Veriut të nis bisedimet për anëtarësim në BE duke filluar nga muaji dhjetor.
Linhart thotë se Maqedonia e Veriut është shembull për rajonin për zbatimin e reformave.
“Ai që e përjashton Ballkanin Perëndimorë, e dobëson Evropën. Ne jemi zotuar, dhe vazhdojmë të zotohemi që nga dhjetori të nisin bisedimet, kjo është kërkesa jonë. Këtë kërkesë e parashtrojmë deri tek partnerët tanë në Bashkimin Evropian, dhe atë në mënyrë intensive”, tha Linhart.
Linhart gjatë qëndrimit të tij në Shkup, deklaroi se Evropa nuk do të jetë e plotë pa integrimin e Ballkanit Perëndimorë. /abcnews.al
