Numri i lartë i viktimave civile në Rripin e Gazës do të ishte në dobi të Hamasit, duke rritur presionin ndërkombëtar mbi Izraelin për t’i dhënë fund hakmarrjes së nisur më 7 tetor. Ky është mesazhi që lideri i Hamasit në Rripin e Gazës, Yahya Sinwar, u dërgoi me korrier zyrtarëve të lartë të grupit në mërgim në Katar.
Wall Street Journal raporton për këtë, duke shpjeguar se në mesazhin e dërguar në Doha Sinëar thotë se objektivi i tij është të dalë nga bunkeri ku është fshehur në fund të luftës për të shpallur një “fitore historike” mbi Izraelin.
“Mos u shqetësoni, izraelitët janë pikërisht aty ku i duam. Numri i madh i viktimave civile në Gaza do të rrisë presionin global mbi Izraelin për t’i dhënë fund luftës,” thuhej në mesazh.
Për më tepër, Sinwar siguroi se sulmet ajrore izraelite kishin dështuar për të eliminuar të gjithë komandantët e Hamasit dhe se Brigadat al-Qassam, krahu i armatosur i grupit, po performonin mirë./abcnews.al
