Gjermania duhet të vendosë masa më të ashpra bllokimi për dy deri në tre javët e ardhshme, tha të martën kryetari i partisë konservatore(CDU).
Armin Laschet tha se qëllimi i masave më të rrepta ishte ulja e incidencës nën 100 raste për 100,000, duke mundësuar testimin e detyrueshëm për të gjithë, gjurmimin e kontakteve dhe rihapjen e ekonomisë.
Pavarësisht muajve të kufizimeve, Gjermania po lufton për të përmbajtur një valë të tretë të rasteve dhe shumë virologë mendojnë se një bllokim i ashpër është i pashmangshëm. Duke pasur parasysh përparimin në fushatën e vaksinimit të Britanisë, Izraelit dhe Shteteve të Bashkuara, vetëm rreth 12% e popullsisë gjermane kanë marrë vetëm një dozë të vaksinës.
Të martën, Gjermania raportoi 6,885 raste të reja brenda 24 orësh dhe incidenca e virusit për 100,000 pësoi rënie nga 128 në 123 të hënën. Sidoqoftë, Instituti Robert Koch për sëmundjet infektive tha se shifrat mund të jenë më të ulta pasi gjatë Pashkëve janë kryer më pak testime./abcnews.al
