Talebanët tashmë kontrollojnë të gjithë Afganistanin, përfshi edhe kryeqytetin Kabul. Mediat lokale raportojnë se liderët talebanë mbërritën nga Katari fillimisht në Islamabad dhe më pas në Kabul ku kanë zhvilluar takimet e para.
Siç raporton ToloNews, disa prej drejtuesve talebanë me në krye Anas Haqanin u takuan sot në Kabul me ish-presidentin Hamid Kharzai dhe personalitete të tjera lokale në kuadër të përgatitjeve për të rimarrë pushtetin.
Bota është e frikësuar nga mënyra se si do të qeverisin talebanët, të njohur për brutalitetin në drejtim të grave edhe pse zëdhënësi zyrtar i tyre është shprehur se tashmë kanë ndryshuar dhe nuk janë më ata të parët. /abcdnews.al
