Robert Lewandowski duket se është përshtatur mjaft mirë te Barcelona, ku deri më tani ka shënuar plot 23 gola dhe ka asistuar 5 të tjerë, në vetëm 26 për “katalanasit” në të gjitha kompeticionet.
Ditën e sotme, “bomberi” polak nuk la pa vlerësuar dhe punën e shkëlqyer të teknikut Xavi, me “blaugranasit”, ku deri më tani e ka pothuajse të sigurtë titullin kampion.
“Mund ta shihni menjëherë se Xavi është një trajner i jashtëzakonshëm. Xavi jep ndjesinë se po bën gjithçka siç duhet, ose ajo që na thotë është e saktë. Prandaj, ne besojmë se është zgjedhur rruga e duhur. Për këtë arsye, kjo rrugë ia vlen të mbështetet dhe t’i përmbahet. Sigurisht, ai ishte një lojtar i jashtëzakonshëm.
Mendoj se është shumë e rëndësishme të kuptojmë dallimin mes të qenit futbollist dhe trajner. Është një gjë të jesh një lojtar i mrekullueshëm, por të jesh një trajner i mrekullueshëm është pak më ndryshe. Prandaj, ai e kupton se çfarë duhet të bëjë dhe do të ketë sukses”,- u shpreh “bomberi” polak për teknikun Xavi. /i.m /abcnews.al
