Robert Lewandowski ka përfunduar si golashënuesi më i mirë në Evropë, duke llogaritur ndeshjet për klub dhe përfaqësuese, për vitin e tretë rresht.
Pas 54 golave në vitin 2019 dhe 47 golave në vitin 2020, sulmuesi polak ka arritur shifër të jashtëzakonshme prej 69 golave në vitin 2021, duke përfshirë rekordin prej 43 golave në Bundesligë për Bayernin.
Lewa ka barazuar rekordin e Cristiano Ronaldos, që 69 gola i kishte shënuar në vitin 2013. Por, prapë mbetet pas Lionel Messit që kishte arritur shifrën e 91 golave në vitin 2012.
Golashënuesit më të mirë në vitin 2021 për klub dhe përfaqësuese:
1. Robert Lewandowski (Bayern, Poloni) – 69 gola në 59 ndeshje
2. Kylian Mbappe (PSG, Francë) – 51 gola në 67 ndeshje
3. Erling Haaland (Dortmund, Norvegji) – 49 gola në 51 ndeshje
4. Karim Benzema (Real Madrid, Francë) – 47 gola në 63 ndeshje
5. Cristiano Ronaldo (Juventus/Man Utd, Portugali) – 46 gola në 64 ndeshje
6. Lionel Messi (Barcelona/PSG, Argjentinë) – 43 gola në 60 ndeshje
7. Dushan Vlahoviq (Fiorentina, Serbi) – 41 gola në 56 ndeshje
8. Arthur Cabral (Basel) – 39 gola në 51 ndeshje
9. Mohamed Salah (Liverpool, Egjipt) – 39 gola në 57 ndeshje
10. Memphis Depay (Lyon/Barcelona, Holandë) – 39 gola në 60 ndeshje
Lewandowski është golashënuesi më i mirë edhe në garat e UEFA-s për klube dhe përfaqësuese gjatë vitit 2021. Ka shënuar 22 gola, dy më shumë se Harry Kane i Tottenhamit dhe Anglisë. 17 gola i ka Mbappe, aq sa Ronaldo. Pesëshen e parë e kompleton Benzema me 16 gola.
Edhe kur merren për bazë vetëm garat e UEFA-s për klube, Lewandowski është i pari. Ka shënuar 11 gola për Bayernin në Ligën e Kampionëve gjatë vitit 2021. Mohamed Salah i ka dhjetë gola, sa edhe Sebastian Haller i Ajaxit dhe Kylian Mbappe i Parisit. Riyad Mahrez kompleton pesëshen me nëntë gola për Manchester Cityn, po në Champions.
Lionel Messi ishte golashënuesi më i mirë në vitin 2018, me 51 gola. Prej atëherë Lewandowski është i jashtëzakonshëm.
