Nga 1 qershori dasmat dhe festat familjare mund të organizohen në ambiente të hapura. Kjo është një nga masat lehtësuese të propozuara nga Komisioni i Sëmundjeve Infektive në Maqedoninë e Veriut.
Gjithashtu Ministria e Shëndetësisë sqaroi se kapaciteti i personave në dasmë duhet të jetë maksimumi 100 persona.
“Ky vendim lejon organizimin e dasmave. Këtë javë do të miratojmë protokollet përkatëse për organizimin e eventeve, koncerteve, të cilat do të jenë të vlefshme nga 15 qershori”, tha Ministri i Shëndetësisë Venko Filipçe.
Gjithashtu masat e tjera që u propozuan ishin heqja e mbajtjes së maskave në ambiente të hapura, ndërsa në ambiente të mbyllura , në transport publik dhe ambiente ku ka më shumë se 6 persona, mbajtja e maskës mbetet në fuqi.
Gjithashtu aktivitetet sportive në ambiente të hapura do të lejohen me 30 % të kapaciteteve. Këto vendime pritet të miratohen në seancën e radhës të qeverisë.
/abcnews.al/
