Ministri i Jashtëm rus tha të hënën se Perëndimi po shtynte rajonin e Lindjes së Mesme në prag të një “lufte të madhe”, duke çuar në një rritje të terrorizmit dhe fluksit të refugjatëve.
“Tani ne shohim se si anglo-saksonët po e shtyjnë Lindjen e Mesme në prag të një lufte të madhe,” tha Sergey Lavrov.
Lavrov theksoi se kjo qasje e përdorur nga Perëndimi është “plotësisht e manifestuar” në Ukrainë, Irak, Libi dhe Siri.
“Rezultatet e tjera të një politike të tillë janë rritja e terrorizmit dhe ekstremizmit, familjet e shkatërruara, flukset e miliona refugjatëve”, shtoi ai.
Lavrov tha se Perëndimi është mësuar të zgjidhë problemet e veta në kurriz të të tjerëve, duke shfrytëzuar burimet e njerëzve të tjerë. Ai argumentoi se NATO ishte një “relike e së kaluarës”, duke shtuar se aleanca po “shpërndante tentakulat e saj” në mbarë botën.
“Nuk mund të imponosh me kaq arrogancë dhe këmbëngulje hegjemoninë tënde ndaj të gjithëve, kohët nuk janë të njëjta”, argumentoi ai.
/abcnews.al
