Ministri i Jashtëm rus, Sergej Lavrov bëri thirrje për krijimin e një shteti palestinez ndërsa foli për situatën në Gaza gjatë konferencës së tij vjetore për shtyp të enjten.
“Drejtimi kryesor i përpjekjeve duhet të jetë krijimi i një shteti palestinez në përputhje të plotë me vendimet e Këshillit të Sigurimit – një shtet që, siç shkruhet në këto vendime, do të ekzistonte në siguri dhe fqinjësi të mirë krahas Izraelit me vendet e tjera të rajonit. Pa këtë, çfarëdo që të ndodhë, do të shohim përsëritje të dhunës që shihet tani në Gaza, sepse pa krijimin e një shteti palestinez, populli palestinez do të vazhdojë të ndihet i pafavorizuar, do të vazhdojë të jetojë në kushte drejtësie inferiore”, tha Lavrov.
Lavrov tha se “shpreson se shteti izraelit do të arrijë në këtë përfundim”, por gjithashtu shtoi se ai e kupton se kjo ishte “e papranueshme për Izraelin për momentin”.
Lavrov më pas tha se përpjekjet e ndërmjetësimit nga SHBA-të nuk do të funksionojnë nëse nuk ka “dialog të drejtpërdrejtë midis palestinezëve dhe izraelitëve”./abcnews.al
