Sulmuesi i Interit, Lautaro Martinez, ka folur për Inter TV pas fitores 2-0 kundër Borussia Dortmund në Champions League. Argjentinas i thuri elozhe shokëve të skuadrës, por dhe trajnerin Antonio Conte. Në fjalën e tij, Lautaro tha: “Unë gjithmonë përpiqem të punoj mirë, të rritem sa më shumë në aspektin individual, por dhe së bashku me skuadrën.
Dua t’i ndjek sa më mirë këshillat që më jep Conte, ai është një trajner i jashtëzakonshëm. Çdo ditë, kam synim të përmirësohem. Po krijojmë një fizionomi loje dhe të gjithë po shkojmë mirë me njëri-tjetrin.
Jemi rritur teknikisht, fizikisht. Kemi punuar shumë me stafin teknik dhe me trajnerët e kondicionit fizik. Gjithçka po funksionon shumë më mirë se më përpara”, përfundoi Martinez./abcnews.al
