Ish-ënsori i mbrojtjes së Bayern dhe Kombëtares gjermane, Philipp Lahm shprehet i pakënaqur me pagën e lartë që Julian Nagelsmann do të marrë gjatë punës si trajner i Kombëtares Gjermane, teksa këshillon Federatën Gjermane të Futbollit të reflektojë për këtë dhe shton se “duhet t’i shmangë pagat e larta në futbollin e klubeve”.
“Nuk është e nevojshme që trajnerët e kombëtares të paguhen më shumë se dy milionë euro në vit. Së pari, për faktin se ka vetëm dhjetë deri në 15 ndeshje ndërkombëtare në vit. Në një top-klub, është trefish ose katërfish. Dhe mes ndeshjeve, një trajner kombëtar nuk është në fushë për katër apo gjashtë javë”, tha Lamn, duke drejtuar gishtin nga federata gjermane.
Hansi Flick thuhet se ka fituar 6.5 milionë euro në vit kur ishte në krye të Gjermanisë. Ndërsa për Nagelsmannin thuhet se merr 4.8 milionë euro në vit për të njëjtën punë. Në fund, ish-kapiteni i kombëtares gjermane këshillon Federatën që të mos japë rroga të çmendura.
“Janë shumë para. Nuk mund të bëjmë asgjë për dinamikën ekonomike të klubeve që konkurrojnë për lojtarët dhe trajnerët më të mirë, por Federatat si DBF nuk duhet të marrin pjesë në këto tejkalime pagash”,- u shpreh ish-mbrojtësi i Kombëtares. /i.m /abcnews.al
