Sipas shtypit spanjoll, La Liga, po përgatitet të shpallë një protokoll të ri për t’u luftuar Covid-19.
Ekipet do të kishin të drejtë vetëm për dy shtyrje ndeshjes deri në mars. Përtej kësaj, ndeshjet do të konsideroheshin të humbura.
La Liga po ngre tonin. Për të përballuar rigjallërimin e rasteve me Covid-19 , liga spanjolle duhet të shpallë masa të reja të forta, sipas shtypit spanjoll.
Siç raporton “Sport” , secila nga njëzet skuadrat do të kishte një kuotë ndeshjesh që mund të shtyhen deri në mars, përkatësisht dy, nëse një klub detyrohet të shtyjë ndeshje shtesë, atëherë ato do të konsiderohen të humbura, marrë nga RMC Sport.
Një minimum prej 13 lojtarësh për të mbajtur një ndeshje
Protokolli duhet të parashikojë vazhdimin e një ndeshjeje kampionati nëse janë në dispozicion të paktën 13 lojtarë, përfshirë 5 nga ekipi profesionist. Testet antigjenike gjithashtu do të shumohen dhe do të bëhen të përditshme, si ajo që bëhet në Premier League , një kampionat veçanërisht i prekur.
Testet e përsëritura dhe distancimi social
Lojtarët do t’i nënshtrohen gjithashtu një testi PCR, ndërsa para stërvitjes së parë do të kryhet një antigjen shtesë. Këto teste do të zhvillohen para çdo ndeshjeje, me ekipin vizitues që do t’i kryejë ato përpara se të udhëtojë. Gjithashtu saktësohet se lojtarët do të testohen edhe në rikthimin nga kombëtarja dhe çdo herë kanë të paktën tre ditë pushim.
Radio Cope shton se maskat dhe distancimi social do të jenë të detyrueshme, si dhe ndarja e dhomave të zhveshjes në grupe të vogla. Lojtarët që luajnë jashtë shtëpisë do të akomodohen në dhoma individuale. La Liga duhet të shpallë zyrtarisht këtë protokoll të ri më 22 dhjetor. /abcnews.al/
