Kampionati spanjoll i futbollit ka hyrë në javën e 23-të, me sfidën e mbrëmshme mes Elches dhe Real Betis, me këta të fundit që fituan 2 me 3, me “përmbysje”, e cila ishte sfida hapëse e kësaj jave.
Ditën e sotme futbolli spanjoll ofron spektakël me përballjen kryesore, që do të jetë “derbi i Madridit”, mes Real Madrid dhe Atletico Madric, në “Santiago Bernabeu”.
Ndërkaq, në orën 14:00 do të startojë sfida e parë “spanjolle” me vendasit e Espanyol që do të presin në “RCDE Stadium”, Mallorca-n e Vedat Muriqit. Në orën 16:45, Rayo Vallecano i Ivan Balliut do të udhëtojë drejt Cadiz, në një përballje të rëndëshime për skuadrën e “legjionarit”, që kërkon një “biletë” drejt kompeticioneve evropiane këtë sezon.
Dita do të mbyllet me përballjen Valencia-Real Sociedad, me valencianët që do të kërkojnë të arrijnë me çdo kusht fitoren nëse kërkojnë mbijetesën në elitën e futbollit spanjoll. /i.m /abcnews.al
