Hawaii njihet si “shtëpia” e ylberëve më të bukur në botë. Shkencëtari atmosferik, Steven Businger ka botuar një studim, në të cilin tregon se ajri i pastër i Hawaii-t, luginat e harlisura dhe moti i ngrohtë janë vetëm disa faktorë që e bëjnë atë vendin e magjisë së ylberëve.
Malet dhe erërat tregtare të Hawaiit gjithashtu luajnë një faktor në formimin e shirave që janë thelbësor për ylberët. Më tej, Businger shpjegoi se për shkak të largësisë së Ishujve Hawaii, ajri është jashtëzakonisht i pastër dhe pa ndotje, pluhur kontinental dhe polen.
Ky fenomen natyror madje ka një kuptim të veçantë në kulturën e vendit pasi shpesh shihet si një simbol i transformimit dhe një shteg midis Tokës dhe qiellit. Hawaii në të vërtetë njihet si shteti i ylberit. Në mitologjinë tradicionale, ylberët janë një element domethënës i historive të bazuara në zot, nga ka lindur ishulli.
Nëpër ishuj, ylberët quhen aneune sipas perëndeshës Aneune. Aneune përdori ylberët si një rrugë midis qiejve dhe Tokës, në rolin e saj si lajmëtare midis njeriut dhe zotave. Ylberët ishin gjithashtu rrugë për të vdekurit drejt parajsës. /abcnews.al
