Manchester United po kalon një moment shumë kritik dhe po flitet çdo ditë për një krizë te “Djajtë e Kuq”. Ole Gunnar Solskjaer nuk shihet si njeriu i duhur për të drejtuar Manchester United dhe presioni mbi të po shtohet dita-ditës.
Harry Redknapp, një nga trajnerët më të vjetër në Angli, pranoi dje në studion e talkSPORT se ky është Manchesteri më i dobët që ka parë gjatë gjithë jetës së tij: “Kam shumë vite në botën e futbollit dhe pa asnjë diskutim ky është Manchesteri më i dobët që kam parë ndonjëherë. Alex Ferguson nuk ka pasur asnjëherë një skuadër kaq të dobët sa kjo që ka Solskjaer.
Më vjen keq për të, është një legjendë e klubit, fantastik si lojtar. Por nuk mendoj se ai është njeriu i duhur dhe në rast se vazhdon të qëndrojë në të njëjtat kushte, do të shkojë gjithmonë edhe më keq për karrierën e tij dhe për United, që për mua është klubi më i madh në botë”, tha mes të tjerash ish-trajneri i Tottenham Hotspur./abcnews.al
