Loading ...
Sot, më 28 shtator, në orën 10:00, në ambientet e Hotel Plaza në Tiranë, Kuvendi i Shqipërisë organizon Konferencën Ndërparlamentare “Agjenda strategjike për zgjerimin e BE-së dhe anëtarësimin e Shqipërisë”.
Konferenca do të mbledhë përfaqësues të institucioneve shqiptare, Parlamentit Europian dhe parlamenteve të vendeve të tjera europiane, me fokus procesin e zgjerimit të Bashkimit Europian dhe rrugëtimin e Shqipërisë drejt anëtarësimit.
Aktiviteti do të përshëndetet nga Kryetari i Kuvendit të Shqipërisë, Niko Peleshi, Kryeministri Edi Rama, Ambasadorja e BE-së në Shqipëri, Sofia Moreira de Sousa, Raportuesi për Shqipërinë në Parlamentin Europian, Andreas Schieder, si dhe përfaqësues të tjerë të lartë.
Në kuadër të konferencës do të zhvillohen tre sesione, me temat: agjenda e zgjerimit të BE-së dhe rruga e Shqipërisë drejt anëtarësimit; zgjerimi si faktor strategjik për reformat, stabilitetin dhe sigurinë; si dhe udhëheqja parlamentare dhe angazhimi në avancimin e integrimit europian.
Konferenca do të moderohet nga Kryetari i Komisionit për Europën dhe Punët e Jashtme, Igli Hasani, si dhe nga përfaqësues të parlamenteve të vendeve pjesëmarrëse.
