Loading ...
Kuvendi i Maqedonisë së Veriut ratifikoi sot me 103 vota “pro” dhe 2 “kundër” protokollet për anëtarësimin e Finlandës dhe Suedisë në NATO.
Përveç shumicës parlamentare, ratifikimin e mbështetën edhe partitë opozitare nga dyja blloqet politike.
Ratifikimin e protokolleve nuk e votoi partia E Majta të cilët votuan kundër, ndërsa deputeti i Partisë Demokratike të Serbëve në Maqedoni, Ivan Stoillkoviç nuk ishte prezent në sallë. Me anëtarësimin e Republikës së Finlandës dhe Mbretërisë së Suedisë, NATO do të numëron 32 vende anëtare, raporton abcnews.al.
Anëtarësimi i tyre vjen në kohën kur siguria e Evropës është e rrezikuar si pasojë e pushtimit të Ukrainës nga ana e Rusisë
Ky votim u zhvillua pasi dy vendet nordike vendosën të paraqesin një kërkesë për t’u bashkuar me Aleancën më 18 maj, pas pushtimit të Ukrainës nga Rusia.
Të dy vendet u ftuan të anëtarësohen në NATO në Samitin e Aleancës në Madrid në fund të qershorit .
Më 5 korrik 2022 në Bruksel, përfaqësuesit e të 30 vendeve anëtare të NATO-s nënshkruan protokollet për anëtarësimin e Finlandës dhe Suedisë.
Protokollet e anëtarësimit do të hyjnë në fuqi kur të gjitha vendet anëtare të NATO-s të njoftojnë qeverinë amerikane për ratifikimin e tyre.
Maqedonia e Veriut iu bashkua NATO-s më 27 mars 2020 , duke e bërë vendin anëtarin e 30-të dhe më të ri të Aleancës.
Është hera e parë që Kuvendi i vendit ratifikon protokollet e anëtarësimit të vendeve të tjera kandidate për anëtarësim në NATO./abcnews.al/
