Kryetarja e Komisionit Organizativ i grupit të rithemelimit, Albana Vokshi në daljen e dytë për mediat ka dhënë detaje në lidhje me pjesëmarrjen e anëtarëve të Partisë Demokratike deri në orën 13:00.
Vokshi ka theksuar se deri në orën 13:00 kanë marrë pjesë 27 719 delegatë demokratë të cilët kanë votuar shkarkimin e kreut të PD-së, Lulzim Basha.
“Në total kanë votuar 27 mijë e 719 delegatë, vazhdon të votohet, ka informacion se ende ka radhë të gjata. Do të ketë shumë më tepër se aq”, është shprehur Vokshi .
Raportimi nga Komisioni I Rithemelimit te Partise Demokratike, për numrin e votuesve në referendum deri në orën 13:00:
Shkodër: 2252
Lezhë: 2500
Kukës: 1490
Dibër: 1355
Durrës: 2990
Tiranë: 6347
Elbasan: 2171
Berat: 890
Korçë: 2730
Fier: 2674
Gjirokastër: 1120
Vlore: 1200
Ndërkohë në fjalën e saj Vokshi ka theksuar se është ka një pjesëmarrje të lartë të delegatëve që mund të çojë dhe në zgjatjen e orarit të votimit./abcnews.al
