Komisioni i Veprimtarisë Prodhuese këtë të mërkurë ka marrë në shqyrtim dekretin e kthyer nga Presidenti Ilir Meta për paketën antishpifje.
Këshilltari juridik i presidencës, Bledar Dervishi, ka deklaruar se kjo është një paketë që bie në kundërtim me dispozitat kushtetuese që mbrojnë të drejtat e lirisë së medias dhe të shprehjes.
“Paketa antishpifje bie ndesh me lirinë e medias dhe shtypit. Nuk është në harmoni me Konventën Evropiane të të Drejtave të njeriut.Me kete pakete AKEP-it i jepet e drejta të ekzskutojë vendimet e AMA-sduke u kthyer në një mjet arbitrar dhe goditës ndaj fjalës së lirë”, tha Dervishi.
Gjithashtu ai ka theksuar faktin se paketa është kundërshtuar edhe nga ndërkombëtarët, ku sipas tij zëdhënësja e Komisionit Evropian ka bërë thirrje për një mundësi për përmirësimi
Ndërkohë për relatorin Arben Pëllumbi, deputet i PS, dekreti i Presidentit duhet të rrëzohet, pasi sipas tij argumentat e Presidentit nuk janë të qenësishme.
“Argumentat e Presidentit nuk janë të qenësishme e për këtë nuk ka pse ta rishqyrtojmë këtë ligj. Gjykoj që të rrëzohet dekreti i Presidentit.” u shpreh Pëllumbi./abcnews.al
