Vladimir Putin ka propozuar një riorganizim që do të shohë zëvendësimin e ministrit të vjetër të mbrojtjes Sergei Shoigu me Andrei Belousov. Sipas mediave të huaja, përcjell Telegrafi, ai është një emër që nuk e kemi dëgjuar shumë gjatë luftës, por si ministër i mbrojtjes ai do të bëhet një figurë kyçe.
Midis 2008 dhe 2012 ai shërbeu si drejtor i departamentit të ekonomisë dhe financave nën Vladimir Putin. Belousov u emërua ministër i ekonomisë në vitin 2012 dhe më pas shërbeu si këshilltar i presidentit rus nga viti 2013 deri në vitin 2020.
