Eno Bitri pas largimit nga skuadra e Partizanit ku luajti disa sezone, është kthyer tashmë në pikë kyçe për skuadrën e Astanës.
Me Astanën Bitri ka arritur të realizojë edhe gol teksa ai që spikat më tepër është goli kundër Arisit, ku në atë sfidë nuk kanë munguar edhe thirrjet kundër shqiptarëve.
Lojtari shqiptarë ishte i ftuar në emisionin “Ora Sport” në Ora News, i cili ka zbuluar se është gati kurdoherë për Kombëtaren.
“Nuk ka oferta konkrete në tavolinë, por ka interesime. Kam akoma një vit kontratë me Astanën. Besoj se mund të lëviz tani, por është herët që të flas akoma për kthimin në Shqipëri. Kur të më vij radha për Kombëtaren, atëherë do të jem gati. Kush është ai futbollist që nuk e do Kombëtaren? I pyetur nëse i pëlqen Turqia ose Hungaria, Bitri ka thënë: “Budapesti më pëlqen shumë, janë dy shtete interesante. Turqia ka traditat e saj, ndërsa Budapesti është më festiv”, është shprehur Bitri. /f.a/abcnews.al
