Loading ...
Është fakt se një nga zakonet që shumica e njerëzve kanë para se të shkojnë në shtrat është të qëndrojnë në celularin e tyre, qoftë duke lexuar e-mail apo në rrjetet sociale. Megjithatë, sipas shkencëtarëve, përdorimi i celularit para se të shkojmë në shtrat është i dëmshëm në shumë mënyra.
Së pari, ne i ekspozojmë sytë në dritë. Në kohën kur jeni duke u përgatitur për gjumë, ai na zgjon dhe për këtë arsye na shkakton pagjumësi. Drita e fortë e pengon trurin të prodhojë melatoninë, një substancë që është thelbësore për ne që të flemë.
Mungesa e gjumit krijon shumë probleme të tjera që shumë prej nesh mund t’i kenë, por nuk e dinim se vinin nga kontakti me celularët ose tabletat pak para gjumit. Ne kemi nevojë për 8 deri në 9 orë gjumë çdo ditë për të qenë të shëndetshëm dhe plot energji.
Nëse ne flemë më pak, neuronet tona nuk kanë kohë për të pushuar dhe qelizat tona gliale – të cilat pastrojnë toksinat e prodhuara nga neuronet – nuk kanë mundësi të bëjnë punën e tyre, duke lënë pas toksinat.
Kjo mund të çojë në çrregullime të kujtesës, mungesë vëmendjeje, çekuilibër të insulinës dhe të çojë në shtim në peshë. Nëse ndonjë nga këto ju duket e njohur, atëherë me siguri kemi rënë në grackën e këtij zakoni. /abcnews.al
