Sekretari i Përgjithshëm i Partisë Demokratike, Gazment Bardhi ftoi mbështetësit e partisë Demokratike që të bashkohen në manifestimin e 2 Marsit, në mbrojtje të Kushtetutës së Shqipërisë.
Sipas Bardhit, kur shkelet Kushtetuta, bie shteti dhe demokracia dhe për këtë arsye, çdo qytetar duhet të reagojë.
“Kushtetuta është marrëveshja më e rëndësishme e një shoqërie që garanton bashkëjetesën tonë. Kur shkelet Kushtetuta, bie shteti, bie demokracia, cenohen të drejtat e njerëzve. Çdo qytetar duhet të reagojë”, shkruan Bardhi.
Statusi:
Kushtetuta është marrëveshja më e rëndësishme e një shoqërie që garanton bashkëjetesën tonë. Kur shkelet Kushtetuta, bie shteti, bie demokracia, cenohen të drejtat e njerëzve. Çdo qytetar duhet të reagojë. I ftoj anëtarët dhe mbështetësit e Partisë Demokratike të bashkohen në manifestimin e 2 Marsit, në mbrojtje të Kushtetutës, në orën 17:00, në Bulevardin Dëshmorët e Kombit.
