Nga Ahmet Zani
Kulla 550 vjeçare po rrënohet. Si nga jashtë ashtu dhe nga brenda.
Goditjen më të madhe e mori nga tërmeti i vitit 2019. Ajo ndodhet në Ishëm dhe është ndërtuar nga Sulejman Kulla.
Stërnipi i tij Beqir Kulla shprehet i zhgënjyer që kjo kullë që është shpallur dhe monument kulture në vitin 1975 nuk ka marrë vëmendjen e autoriteteve.
“U dëmtua shumë kam keqardhje se kështu po degradonte. Pa u rregulluar s’ja tregojmë dot as brezave. Kanë ardhur për ta parë. Po skanë bërë asgjë”.
Në kohën e komunizmit kjo kullë ka qenë dhe banesa e familjes Kulla.
“Nuk lejova të kthenin në depo, ne jetonin aty”.
Kjo kullë u projektua në mënyrë të tillë që mos hynin dot ushtarët osmanë. Përreth saj ishin disa frengjinj aty vendoseshin armët qe shërbenin për të luftuar ushtrinë turke. Mbi derën kryesore ishte i vendosur një kazan me ujë të valuar.
Nëse ushtarët turq tentonin të futeshin brenda kullës ushtarët e Skënderbeut u hidhnin ujin e nxehtë. Mjeshtrat e ndërtimit, për ndërtimin e mureve veç gurëve të fortë, kishin përdorur vezë dhe leshin e bagëtive./abcnews.al
