Kukësi-Vllaznia është ndeshja e javës së gjashtë që zhvillohet ditën e nesërme, në “Arena Egnatia” të Rrogozhinës.
Vetëm 1 pikë i ndan skuadrat në tabelën e klasifikimit të cilat do të matin forcat me njëra-tjetrën.
Skuadra e Kukësit luan si pritëse në Rrogozhinë në mungesë të përfundimit të stadiumit të saj. Për këtë sfidë klubi i Kukësit ka kërkuar edhe mbështetjen e tifozëve për të bërë të mundur fitoren sepse përkrahja e tyre iu jep zemër lojtarëve në fushën e lojës.
Sipas njoftimit të klubit biletat për këtë ndeshje mund të blihen ditën e nesërme në biletarinë e stadiumit “Arena Egnatia”. Tifozët e Kukësit do të pozicionohen në tribunat A dhe B, ndërsa tifozeria kundërshtare në tribunat A1 dhe C.
Çmimet e biletave do të jenë si më poshtë:
Tribuna A/A1-1500 lekë
Tribuna B- 500 lekë
Tribuna C- 500 lekë
/f.a/abcnews.al
