Depresioni, pagjumësia dhe rraskapitja mund të jenë faktorë të rëndësishëm rreziku për makthet e shpeshta, sipas një studimi të ri nga Universiteti i Turkut në Finlandë dhe i botuar në revistën shkencore Sleep.
Edhe pse studimi nuk tregon një lidhje të drejtpërdrejtë shkak-pasojë, ai konfirmon se ankthet lidhen me depresionin, pagjumësinë dhe lodhjen.
Autori kryesor i studimit, Nils Sandman, një shkencëtar në Qendrën e Universitetit për Neuroshkencën Kognitive, tha se studimi tregoi një lidhje të qartë midis humorit të mirë dhe maktheve.
Për qëllime të hulumtimit, shkencëtarët ekzaminuan rastet e rreth 14,000 personave, të moshës 25 deri në 74 vjeç, në periudhën 2007-2012.
Çfarë treguan rezultatet në studimin ku 53% e pjesëmarrësve ishin gra?
Depresioni dhe ankthet: Rreth 45% e pjesëmarrësve thanë se kishin pasur makthe të rastësishme në 30 ditët e fundit, ndërsa pak më shumë se 50% thanë se nuk kishin makthe fare. Gati 4% thanë se kishin pasur ankthe të shpeshta në 30 ditët e fundit. Ankthe të shpeshta u raportuan nga rreth 28% e njerëzve me depresion të rëndë dhe rreth 17% e njerëzve me pagjumësi të shpeshtë, thanë studiuesit. Pas analizave të mëtejshme, autorët e studimit arritën në përfundimin se pagjumësia, rraskapitja dhe disa simptoma depresive ishin faktorët më të fortë të rrezikut të pavarur për makth. “Makthet ndoshta veprojnë edhe si tregues të hershëm të fillimit të depresionit dhe deri më tani kanë mbetur të pashfrytëzuara për sa i përket vlerës së tyre diagnostikuese në depresion”, u shpreh Dr. Sandman.
