Njerëzit zakonisht bëjnë përpjekje të mëdha për të mbuluar çdo shenjë të tradhëtisë në një marrëdhënie. Megjithatë, edhe para se të ndërmarrin një hap kaq të madh si tradhtia bashkëshortore, shumë prej tyre tregojnë në një mënyrë delikate se një lloj ndryshimi po ndodh tek ata.
Nëse këto shenja njihen me kohë dhe nëse përgjigjeni me një bisedë të hapur, ndonjëherë është e mundur të shmangni këtë akt tradhtie. Ndonjëherë – sepse në disa raste mashtrimi ndodh herët a vonë, veçanërisht me njerëz që dihet se kanë qenë kurorëshkelës më parë.
Fillojnë të vishen ndryshe
“Zakonisht shkelësit e kurorës duan të duken sa më mirë”, thotë këshilltari i martesës Jonathan Bennett.
Nëse vëreni një model flokësh të ri dhe ndryshime të rëndësishme në gardërobë, kjo mund të jetë një shenjë se dikush thjesht dëshiron të duket më mirë, por në disa raste mund të zbulojë se po përpiqet më shumë t’i lërë përshtypje dikujt tjetër përveç jush.
Ata ndalojnë së diskutuari për problemet
Edhe marrëdhëniet më të mira ndonjëherë përballen me disa argumente dhe kjo është një gjë e mirë, problemet zgjidhen në mënyrë të shëndetshme. Kjo është arsyeja pse është shumë problematike kur dikush papritmas ndalon përpjekjet për të sqaruar gjërat.
“Mund të duket gjë e mirë që nuk ka asnjë debat apo konflikt, por ndonjëherë është një shenjë se njëra palë nuk i jep më aq sa duhet marrëdhënies për t’u kujdesur për problemet”, thotë ekspertja e marrëdhënieve Jessica Klein.
Ata debatojnë më shumë se kurrë
Nga ana tjetër, në disa raste, para se të hyjnë në një marrëdhënie paralele, disa shkelës të kurorës mund ta kthejnë çdo bisedë në sherr.
“Ndonjëherë partnerët debatojnë më shumë dhe kritikojnë gjithçka në lidhje sepse duan të justifikojnë faktin që do të tradhtojnë”, thotë Klein.
Ata akuzojnë palën tjetër për pabesi
Ajo pohon gjithashtu se nuk është e pazakontë që dikush që po mendon të tradhtojë ose tashmë po tradhton të fillojë të akuzojë partnerin për tradhti.
“Kjo lloj sjelljeje është një formë tjetër e justifikimit të tradhtisë bashkëshortore. Unë e quaj këtë një truk magjik: shiko këtë dorë dhe nuk do të shohësh se çfarë po bën tjetri”, thotë Jessica Klein.
Fillojnë me gënjeshtra të vogla
Para se të hyjnë në një marrëdhënie tjetër, shumë fillimisht bëjnë hapa të vegjël drejt tradhtisë bashkëshortore, të cilën Klein i quan gënjeshtra të vogla.
Zakonisht është korrespondencë, duke u dhënë më shumë vëmendje njerëzve të tjerë, duke kaluar kohën e lirë me të tjerët.
“Kur diçka e tillë ndodh një herë, zakonisht nuk konsiderohet gënjeshtër e vogël. Por kur zgjat, e shkatërron marrëdhënien”, thotë ajo. /abcnews.al
