Ura natyrore që lidh ish-ishullin me kontinentin është zyrtarisht kufiri shtetëror më i shkurtër në botë, që lidh territorin e Spanjës dhe Marokut.
Duke parë hartën e Spanjës në pamje të parë duket se ajo kufizohet vetëm me Francën dhe Portugalinë. Spanja ka pothuajse 2000 kilometra kufi tokësor me këto dy vende. Megjithatë, ajo ndan një kufi shumë më të shkurtër me Andorrën dhe Mbretërinë e Bashkuar në Evropë, dhe në Afrikën e Veriut ka një territor jashtë shtetit që kufizohet me Marokun.
Ai është gjithashtu kufiri më i shkurtër tokësor në botë, një seksion 85 metra i gjatë në një urë natyrore që lidh shkëmbin në Detin Mesdhe me bregdetin maroken.
Penon de Velez de la Gomera ka qenë territor spanjoll që nga viti 1564, kur u pushtua nga admirali Pedro de Estopinan. Zona është afër 19,000 metra katrorë, pak më pak se tre fusha futbolli. Edhe pse Maroku kërkoi vazhdimisht kthimin e këtij territori, Spanja nuk u pajtua kurrë. Për më tepër, njësitë ushtarake që zbatojnë sundimin spanjoll janë vendosur në shkëmb.
Penon de Velez de la Gomera është një nga territoret sovrane që Spanja ka në Afrikën e Veriut, së bashku me Ceuta dhe Melilla më të famshme, dhe disa territore dhe ishuj të tjerë “mikro”. Formalisht dhe ligjërisht, shkëmbi është pjesë e “territorit joautonom nën administrimin spanjoll”./abcnews.al
