Kompletohet grupi i skuadrave që kualifikohen në fazën gjysmëfinale të Digitalb Kupa e Kosovës. Fituesit në fuqi të këtij trofeu, Feronikeli, ia kanë dalë të mposhtin skuadrën e Lirisë së Prizrenit me rezultatin 2-0.
Ekipi nga Drenca nuk e ka pasur të lehtë, pasi vetëm në fund ka shënuar në portën e skuadrës bardhezi. Besmir Bojku, mesfushori i marrë nga Shkëndija e Tetovës, ka mposhtur portierin vendas një minuta para përfundimit të kohës së rregullt.
Në shtesë realizoi edhe Hoti dhe i dha fund vuajtjeve të Feronikelit, që do të tentojë ta fitojë sërish këtë trofe dhe të sigurojë pjesëmarrjen në kupat e Europës. /abcnews.al
