Monedha amerikane është vlerësuar ndjeshëm gjatë ditëve të fundit në raport me lekun, kjo nisur edhe nga rritja e normës bazë të interesit nga Rezerva Federale. Aktualisht, një dollar këmbehet me 120.93 lekë në tregun vendas sipas Bankës së Shqipërisë duke fituar ndjeshëm terren krahasuar me ditën e djeshme.
Sa i përket euros, ajo mbetet në nivelet më të ulta historike krahasuar me lekun. BSH bën me dije se sot, një euro u këmbye me 116.34 lekë duke patur një rritje të pakonsiderueshme krahasuar me një ditë më parë.
Me rritje sot është edhe paundi britanik, i cili ka kaluar mbi 130 lekë pas rënies së djeshme që pesoi dje. /abcnews.al
