Me të drejtë patëm frikë për fatin e tij.
Gjithsesi, Mario Mitaj, është nga ata futbollistë që nuk di të dorëzohet dhe menjëherë e fitoi shansin e tij, me “legjionarin” e Kombëtares shqiptare, i cili ishte titullar për skuardën e tij, Lokomotiv Moscoë, në ndeshjen e Kupës së Rusisë të fituar në shtëpi.
Rezultati ndaj skuadrës Khimki të Moskës ishte 4-0 dhe 21-vjeçari ishte autoriI asistit në njërin prej tyre, kjo ndodhi që në minutën e katërt, me harkim nga goditja e këndit për 1-0.
Mitaj luajti 76 minuta dhe duket se më shumë po aktivizohet në Kupë, pasi në Premier Ligën e Rusisë, ai ka luajtur vetëm 10 minuta këtë sezon, ndërsa janë zhvilluar 6 ndeshje, teksa në duelin e vetëm që trajneri e hodhi në fushë për pak minuta, ai e tregoi talentin duke shërbyer asistin për golin e pestë në fitoren 5-0 të Lokomotivës në fushën e Ahmatit Grozny.
Ndërkaq, solid në Spanjë po tregohet Marash Kumbulla.
Mbrojtësi tjetër i Kombëtares ishte titullar për “Bardheblutë” e Espanyol, në ndeshjen e vështirë në “Metropolitano”, kundër “Los Colchoneros” së Atletico Madrid.
Edhe pse vendasit bënë presion gjithë kohën, mbrojtja katalanase përballoi gjithçka dhe sfida e e javës së tretë të LaLiga përfundoi me rezultaitn e “bardhë”, 0-0. /i.m /abcnews.al
