Sami Saliu nga Lëvizja për Reforma në Preshevë ka deklaruar se kryetarja e Komunës së Preshevës, Ardita Sinani, është takuar me Ministrin dhe Trupin Koordinues të Qeverisë së Serbisë.
Përmes një postimi në rrjetet sociale, ai thotë se ajo po vepron me dy standarde, pasi nga njëra anë thërret popullin për të protestuar kundër Beogradit, ndërsa vetë takohet për të bashkëpunuar me Beogradin.
Sipas Saliut, retorikën kundër Beogradit e kanë për t’ia marrë votat popullit për interesat e tyre personale përmes Beogradit.
Postimi i Plotë:
Thërrasin popullin me protestu kundër Beogradit, e vet takohen për bashkëpunim me Beogradin.
Sot, kryetarja e Komunës së Preshevës, Ardita Sinani, qenka takuar me Ministrin dhe Trupin Koordinues të Qeverisë së Serbisë.
E njëjta që me partinë e saj ka ftuar popullin të protestoj kundër kësaj qeverie. Fto popullin në rrugë kundër Beogradit, e vet në takime me Beogradin.
Asgjë nuk flet më mirë për këta se vetja e tyre.
Retorikën kundër Beogradit nuk e kanë për shkak të diskriminimit ndaj popullit. Retorikën kundër Beogradit e kanë për t’ia marrë votat popullit për interesat e tyre personale përmes Beogradit.
/abcnews.al
