Gjatë një ceremonie të planifikuar për t’u mbajtur në Romë në orën 16:00, kryepeshkopi i Uashingtonit, Wilton D. Gregory, do të hyjë në histori dhe do të bëhet kardinali i parë afro-amerikan në historinë e kishës katolike.
Në përputhje me shqetësimet e Papës për katolikët që janë margjinalizuar historikisht, kardinalët e tjerë përfshijnë burra nga Ruanda, Brunei, Kili dhe Filipinet.
72 vjeçari Gregory, katoliku afro-amerikan që mban detyrën më të lartë në historinë e SHBA-së, tha për CNN këtë javë se ai ishte duke u lutur, duke shkruar letra për dashamirësit dhe duke reflektuar mbi rolin e tij të ri.
“Ka qenë një kohë e mjaftueshme për të falënderuar Zotin për këtë moment unik në jetën time dhe në jetën e kishës në Shtetet e Bashkuara,” tha Gregory.
“Shpresoj se është një shenjë për komunitetin Afro-Amerikan se Kisha Katolike ka një respekt të madh për njerëzit e mi me ngjyrë.”, u shpreh ai.
Gregory do të jetë një nga këshilltarët më të afërt të Papës dhe një nga vetëm 120 apo më shumë persona që do të zgjedhin Papën e ardhshëm. Para se të zgjidhej si Kryepeshkop i Uashingtonit vitin e kaluar, ai gjithashtu shërbeu si peshkop në Belleville, Illinois dhe në Atlanta.
Gregory lindi në Çikago nga prindër që nuk ishin katolikë, por u kthyen në katolikë ndërsa ndiqnin një shkollë famullie./abcnews.al
