Kryeministri skocez Humza Yousaf pritet të japë dorëheqjen sot pasi pasi arriti në përfundimin se nuk do t’i mbijetonte një votëbesimi.
Figura të larta në Partinë Kombëtare Skoceze (SNP) u informuan mbi vendimin nga Yousaf, lideri i parë mysliman i një kombi të Europës Perëndimore, në fundjavë dhe tashmë janë në kontakte me ish-udhëheqësin e partisë, John Sweeney, për të marrë detyrën si kryeministër i përkohshëm në rast të largimit të Yousaf, edhe pse ai vetë heziton për arsye personale.
Humza Yousaf ishte në radarin e konservatorëve të opozitës pasi vendosi t’i japë fund marrëveshjes së partisë së tij për ndarjen e pushtetit me të Gjelbërit të enjten e kaluar. Humza Yousaf tha se marrëveshja e bashkëpunimit e arritur pasi SNP ra një vend më pak se një shumicë në zgjedhjet e vitit 2021, i kishte “shërbyer qëllimit”.
Propozimi u mbështet nga Laburistët dhe Demokratët e Lirë.
Yousaf është përpjekur përpara zgjedhjeve të përgjithshme të Britanisë në gjysmën e dytë të vitit 2024 për të rindërtuar imazhin e SNP-së rreth një qeverie të qëndrueshme pas një viti tensionesh, e cila pasoi dorëheqjen e udhëheqësit të partisë Nicola Sturgeon.
Por një përçarje ndodhi midis partisë së Youssef dhe të Gjelbërve javën e kaluar kur qeveria njoftoi se po anulonte një objektiv të përkohshëm për të ulur emetimet e ndotësve të rrezikshëm me 75% deri në vitin 2030, duke e konsideruar atë të paarritshme.
/abcnews.al
