Kryeministri italian Mario Draghi ka bërë thirrje për një armëpushim urgjent në Ukrainë në mënyrë që negociatat serioze të mund të fillojnë për t’i dhënë fund luftës, raporton Reuters.
Ai i tha Senatit, se një armëpushim “duhet të arrihet sa më shpejt të jetë e mundur”.
Komentet e Draghit erdhën pasi ai hapi një debat mbi rolin e Italisë në mbështetjen e Ukrainës, e cila po krijon tensione në rritje në shumicën qeverisëse të kryeministrit.
Kryeministri italian tha gjithashtu se është e rëndësishme të ruhet presioni mbi Rusinë përmes sanksioneve ekonomike. “Sepse ne duhet ta sjellim Moskën në tryezën e negociatave”, theksoi si, sipas Reuters. /abcnews.al
