Raportueja për Kosovën në Parlamentin Evropian, Viola von Cramon, ka reaguar pasi kryeministri Albin Kurti votoi në zgjedhjet e përgjithshme parlamentare në Shqipëri.
Cramon përmes një postimi në rrjetin social Twitter shkruan se votimin e Kurtit e ka konsideruar të papranueshëm.
Në reagimin e saj ajo ka thënë se nuk e kupton këtë veprim të kryeministrit të Kosovës, teksa ka kujtuar se në Kosovë ankohen për ndërhyrje nga Serbia dhe Aleksandar Vuçiç.
“Nuk mund ta kuptoj se çfarë është e gjithë kjo. Nga njëra anë të gjithë në Kosovë ankohen për ndërhyrje nga Serbia ose nga vetë Presidenti Aleksandar Vuçiç, por nga ana tjetër këtu kryeministri i Kosovës edhe voton në një shtet fqinj. E papranueshme. Të paktën jo për mua”, u shpreh ajo.
Ndërkohë kryeministri Albin Kurti në fjalën e tij u ka bërë thirrje të gjithë qytetarëve të Kosovës që kanë pasaportë shqiptare që të marrin pjesë në zgjedhje. e.su./abcnews.al
I cannot understand what this is all about. On one hand everyone in Kosovo complains about interference from Serbia or from President @avucic himself but on the other hand here does the PM of #Kosovo even vote in a neighbouring state. Not acceptable. At least not for me. https://t.co/J3ndibX1qq
— Viola von Cramon (@ViolavonCramon) April 25, 2021
