Kryetarja e Lëvizjes Socialiste për Integrim Monika Kryemadhi, këtë të mërkure e ka nisur me një mesazh në lidhje me rëndësinë që ka arsimi në programin e tyre elektoral.
Kryemadhi përmes një videomesazhi të publikuar në Facebook thekson se programi bazohet te arsimimi dhe më tej punësimi i rinisë.
Ndër të tjera ajo shton se LSI ka një plan të qartë për t’i ndërlidhur këto të dyja së bashku.
“Investimi më i rëndësishëm që mund të bëjë shoqëria jonë për të sotmen dhe të ardhmen, është investimi në arsim. Prandaj programi ynë bazohet mbi këtë themel solid që përgatit qytetarë të mirë, profesionistë që kanë besim tek Shqipëria dhe tek e ardhmja e saj”, thotë ajo./abcnews.al
