Presidenti francez, Emmanuel Macron u bëri thirrje deputetëve të lënë mënjanë ambiciet e tyre personale dhe të mos rrëzojnë qeverinë e Michel Barnier.
Udhëheqësja franceze e ekstremit të djathtë Marine Le Pen dhe partia e saj kanë thënë se do të votojnë të mërkurën kundër mocionit të mosbesimit të qeverisë të paraqitur nga aleanca e krahut të majtë të Frontit të Ri Popullor, një mocion që do të kalojë nëse të dy fraksionet e mbështesin atë.
Por Macron tha se ishte optimist se në momentin e fundit ligjvënësit në Asamblenë Kombëtare Franceze do të tërhiqen për interesin kombëtar.
“E vetmja pyetje që politikanët duhet t’i bëjnë vetes sot është se si mund të jenë të dobishëm për vendin dhe popullin francez,” u tha Macron gazetarëve gjatë një udhëtimi në Arabinë Saudite. “Jo se si ata mund t’u shërbejnë ambicieve apo interesave të tyre,” shtoi ai.
Presidenti francez theksoi se “do të ishte një votë e cinizmit të padurueshëm” që partia e Le Pen të mbështeste mocionin e censurës.
“Unë nuk mund të besoj se ata do të votojnë për propozimin.“, shtoi Macron./abcnews.al
