Nga Erblina Mile
Qeveria shqiptare ka venë në dispozicion të kompanisë së Shpërndarjes së Energjisë Elektrike 200 milion euro për të siguruar importin e energjisë në muajt e ardhshëm.Por ekspertët theksojnë se kjo vlerë është e ekzagjeruar pasi nevojat e vendit për import energjie janë më të vogla.
“Është edhe e ekzagjeruar duke parë ritmin e mesatareve të importeve të Shqipërinë. 200 milion euro më duket shumë. Presioni më i madh duhet të jetë mbi menaxhimin e humbjeve,” thotë Selami Xhepa.
Kreu i qeverisë theksoi se nuk do të ketë shtrenjtim të energjisë për familjet dhe bizneset e vogla.Por ekspertët sqarojnë se qeveria synon ndryshim të tarifave për biznesin e madh.Ky fakt pritet të detyrojë bizneset e mëdha që të dalin në treg të liberalizuar për të siguruar energjinë elektrike.
Një zgjidhje për të plotësuar nevojat e vendit me energji sipas ekspertëve është shtimi i burimeve të energjisë në vend.
Kriza energjetike po ndjehet tashmë në shumë vende të botës kjo për faktin se synohet që të kalohet në prodhimin e energjisë së pastër. /abcnews.al
