Kryebashkiaku i Londrës ka prezantuar të hënën një program emergjence që do të sigurojë vakte falas për të gjithë fëmijët që shkojnë në shkollat fillore shtetërore në kryeqytetin e Britanisë së Madhe. Njoftimi i vjen në një kohë kur britanikët nuk po sigurojnë dot nevojat bazike.
“Kriza e kostos së jetesës ka bërë që familjet në të gjithë qytetin tonë të kenë nevojë për mbështetje shtesë,”tha në një deklaratë të hënën Sadiq Khan, i cili vetë mori ushqim falas në shkollë si fëmijët.
Programi prej 130 milionë paundësh do të jetë në fuqi përgjatë vitit shkollor duke nisur nga shtatori dhe do t’u kursejë familjeve në Londër 440 paund për fëmijë. Po ashtu, ky program synon që të reduktojë stigmën që shoqërohet me të veçuarit si familje me të ardhura të ulëta.
Sipas të dhënave zyrtare, një e katërta e të gjithë nxënësve të Londrës, përfshirë ata në shkollë të mesme, tashmë mund të kenë akses në ushqimin falas në shkollë sipas kritereve kombëtare, kryesisht të bazuara në të ardhurat e familjes. Programi i ri pritet të ndihmojë rreth 270,000 nxënës që aktualisht nuk përfitojnë, sipas vlerësimeve nga studiuesit për qeverinë e qytetit.
Ky numër përputhet me një vlerësim të Grupit të Veprimit për Varfërinë e Fëmijëve që rreth 210,000 fëmijë që jetojnë në varfëri në Londër pasi nuk përfitojnë ushqim falas në shkollë pasi kriteret e përshtatshmërisë janë “shumë kufizuese”.
Ndërkohë, mediat në vend raportojnë se gjithnjë e më shumë britanikë po e shohin të vështirë të përballen me faturat pasi inflacioni, i cili është afër nivelit më të lartë në katër dekada, po gërryen të ardhurat e tyre.
/abcnews.al
