Është liruar pas gjashtë orësh Petrit Sulaj, ish-drejtori i Aviacionit Civil, i cili u shoqërua mbrëmjen e së enjtes lidhur me krizën e Rinasit. Sulaj u shoqërua të enjten pasi numri i tij i celularit doli tek bisedat telefonike të kontrollorëve ajrorë që u shoqëruan.
Abcnews.al mëson se ai ka thënë në polici se nuk është për ndërprerje të punës por për dialog mes palëve.
Lexo edhe: Kush është “Leshko” që Rama sulmon Metën, ish-drejtori i Aviacionit Civil që u shoqërua në polici
Petrit Sulaj ka ushtruar postin e drejtorit të Albcontrol gjatë periudhës kur Ilir Meta ishte në qeveri me Sali Berishën. Ai është lakuar së fundmi edhe nga kryeministri Edi Rama, pasi ky i fundit ka akuzuar presidentin Meta për ngërçin që u krijua në kullën e vrojtimit.
Kryeministri i është referuar Sulajt si “Leshko” pseudonim me të cilin e njohin miqtë. Kreu i qeverisë ka akuzuar drejtpërdrejt presidentin duke i thënë se “fsheh dorën me Leshkon”. sb/abcnews.al/
