Cagliari e nisi mirë sezonin, por periudhën e fundit munguan rezultatet dhe klubi nga Sardenja u përfshi në një krizë. Të ndodhur para një situatë të tillë, drejtuesit e klubit e kanë parë të arsyeshme që të shkarkojnë trajnerin, Rolando Maran, i cili ishte në krye të ekipit që në qershor të vitit 2018. Së bashku me të largohet edhe pjesa tjetër e stafit teknik.
Klubi i Cagliari komunikon se ka shkarkuar trajnerin Rolando Maran nga të qenurit trajner i ekipit të parë. Në të njëjtën kohë, marrëdhëniet e bashkëpunimit përfundojnë edhe me trajnerin e dytë, Christian Maraner, dhe analistin e ndeshjeve, Gianluca Maran.
Një falënderim i përzemërt për seriozitetin dhe profesionalizmin e treguar që nga dita e tyre e parë në Sardenja”, shkruhet në komunikatën e bërë nga klubi i Cagliari, që në tre muaj e fundit ka pasur një ecuri negative. /abcnews.al
